Հետախուզվողը հայտնաբերվեց Հայանիստ գյուղում

Ոստիկանության քրեական հետախուզության գլխավոր վարչության և ոստիկանության Նոր Նորքի բաժնի ծառայողները, համատեղ իրացնելով ստացված օպերատիվ տվյալները, փետրվարի 18-ին, ժամը 22.10-ին, Արմավիրի մարզի Հայանիստ գյուղից բերման են ենթարկել 54-ամյա Մարատ Պ.-ին, որը 2018թ. դեկտեմբերի 3-ից ոստիկանության Մաշտոցի բաժնի կողմից հետախուզվում էր քրեական օրենսգրքի 138 հոդվածի (Բռնաբարությունը) 2-րդ մասի մեղադրանքով: