Ոստիկանության օպերատիվ խումբը հետախուզվողին տեղափոխեց Հայաստան
![Ոստիկանության օպերատիվ խումբը հետախուզվողին տեղափոխեց Հայաստան Ոստիկանության օպերատիվ խումբը հետախուզվողին տեղափոխեց Հայաստան](/timthumb?src=/resources/police/img/news/big/1631781696-6587.jpeg&q=75&w=780&wm=1)
Ոստիկանության ՔՈ գլխավոր վարչության և ՀՀ-ում Ինտերպոլի ԱԿԲ աշխատակիցների համատեղ օպերատիվ խմբի կողմից սեպտեմբերի 15-ին Փարիզ-Մոսկվա-Երևան չվերթով Հայաստան է տեղափոխվել 49-ամյա Կարո Պ.-ն, որը 2011 թ. ապրիլի 1-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 266-րդ հոդվածի (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) մեղադրանքով:
Խափանման միջոցը՝ կալանք:
Կարո Պ.-ն փոխանցվել է Էրեբունու բաժնի ծառայողներին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: