Վարդենիսի ոստիկանները հետախուզվողին հայտնաբերեցին Աշտարակում

Ոստիկանության Վարդենիսի բաժնի ծառայողների ձեռնարկած օպերատիվ-հետախուզական միջոցառումների արդյունքում դեկտեմբերի 26-ին Աշտարակ քաղաքի Նարեկացու փողոցում հայտնաբերվել և Վարդենիսի բաժին է տեղափոխվել 33-ամյա Վահան Գ.-ն, որը դեկտեմբերի 23-ից հետախուզվում էր ՀՀ նախկին քրեական օրենսգրքի 235-րդ հոդվածի (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) մեղադրանքով:
Խափանման միջոցը՝ կալանք: