Կապանի ոստիկանները հետախուզվողին հայտնաբերեցին Երևանում
14.10.2022 11:09
Հետախուզվողի հայտնաբերում
![Կապանի ոստիկանները հետախուզվողին հայտնաբերեցին Երևանում Կապանի ոստիկանները հետախուզվողին հայտնաբերեցին Երևանում](/timthumb?src=/resources/police/img/news/big/1665731459-94.jpeg&q=75&w=780&wm=1)
Ոստիկանության Կապանի բաժնի ծառայողները հոկտեմբերի 13-ին Երևան քաղաքի Մոլդովական փողոցում հայտնաբերել են ՀՀ նախկին քրեական օրենսգրքի 359-րդ հոդվածի (Զինծառայողների փոխհարաբերությունների կանոնագրքային կանոնները խախտելը նրանց միջև ստորադասության հարաբերությունների բացակայության դեպքում) 2-րդ մասի մեղադրանքով դատաքննությունից խուսափելու համար հետախուզվող 22-ամյա Գևորգ Ն.-ին: Նրանից վերցվել է պարտավորագիր՝ հոկտեմբերի 18-ին Սյունիքի մարզային ընդհանուր իրավասության դատարան ներկայանալու վերաբերյալ:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: