Հայտնաբերվեց Խորենացու փողոցում

Դեկտեմբերի 28-ին, ժամը 14.30-ին, ոստիկանության Էրեբունու բաժնի ծառայողների և Էրեբունու անձնագրային բաժանմունքի աշխատակիցների ձեռնարկած միջոցառումների շնորհիվ Երևանի Խորենացու փողոցից բերման է ենթարկվել 1984 թ. ծնված Արտյոմ Ա.-ն, որը սեպտեմբերի 2-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 1-ին մասի մեղադրանքով:
Խափանման միջոցը՝ ստորագրություն:
Արտյոմ Ա.-ն ներկայացվել է նախաքննական մարմնին: