Հանդիպում ՀՀ ոստիկանությունում (ՏԵՍԱՆՅՈՒԹ)
![Հանդիպում ՀՀ ոստիկանությունում (ՏԵՍԱՆՅՈՒԹ) Հանդիպում ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1466087609,6812.jpeg&q=75&w=780&wm=1)
Հունիսի 16-ին ոստիկանության շտաբի պետ Արամ Զաքարյանն ընդունեց Հայաստանի Հանրապետությունում ԱՄՆ դեսպանության թմրամիջոցների դեմ պայքարի և իրավապահ համագործակցության բաժնի իրավապահ հարցերով խորհրդատու Ադի Հոլովեյի գլխավորած պատվիրակությանը:
Ողջունելով հյուրերին՝ Արամ Զաքարյանը կարևորեց ոստիկանության և ՀՀ-ում ԱՄՆ դեսպանության միջև առկա համագործակցությունը, հատկապես՝ թրաֆիքինգի, թմրամիջոցների ապօրինի շրջանառության, հասարակական կարգի պահպանության և այլ ոլորտներում, և շնորհակալություն հայտնեց մշտապես ցուցաբերվող աջակցության համար:
Հանդիպման ընթացքում ներկայացվեցին ոստիկանության գործունեության ոլորտում 2015-2017 թվականների բարեփոխումների ծրագրով կատարված աշխատանքները, նախատեսվող միջոցառումները և քննարկվեցին այն հիմնական ուղղությունները, որոնցով դեսպանության անմիջական աջակցությամբ կիրականացվեն մի շարք միջոցառումներ:
Հյուրերի կողմից արվեցին մի շարք հարցադրումներ, որոնց տրվեցին սպառիչ պատասխաններ: