Հանդիպում ՀՀ ոստիկանությունում

Օգոստոսի 3-ին ոստիկանության շտաբի պետ, ոստիկանության գնդապետ Արմեն Մկրտչյանն ընդունեց ՀՀ-ում Ֆրանսիայի Հանրապետության դեսպանության ներքին անվտանգության հարցերով կցորդ պարոն Էրվե Ժամեին (նստավայրը՝ Վրաստան):
Ողջունելով հյուրին՝ Արմեն Մկրտչյանը կարևորեց հայ-ֆրանսիական բարեկամական հարաբերություններն ու բարձր գնահատեց ՀՀ ոստիկանության և Ֆրանսիայի ՆԳ նախարարության միջև առկա փոխգործակցության բարձր մակարդակը:
Էրվե Ժամեն շնորհակալություն հայտնելով ջերմ ընդունելության համար՝ նույնպես կարևորեց երկու բարեկամ ժողովուրդների սերտ հարաբերությունները։
Հանդիպման ընթացքում ներկայացվեցին ոստիկանությունում ընթացող բարեփոխումները, մասնավորապես՝ նորաստեղծ պարեկային ծառայության գործունեությունը և գործառույթները: Քննարկվեցին ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը, համագործակցության ընդլայնման հնարավորություններն ու փոխադարձ հետաքրքրություն ներկայացնող այլ հարցեր։