Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
Զենք-զինամթերքի կամավոր հանձնում
Ոստիկանություն ներկայացած քաղաքացիները զենք-զինամթերք են հանձնել

Ոստիկանություն ներկայացած քաղաքացիները զենք-զինամթերք են հանձնել

11.05.2016 16:14 Զենք-զինամթերքի կամավոր հանձնում

Ոստիկանության Մեծամորի բաժնի ծառայողների բացատրական աշխատանքների շնորհիվ, մայիսի 10-ին, ժամը 17.00-ին, 1966 թ. ծնված Արարատ Մ.-ն կամավոր հանձնել է «Ֆ-1» տիպի նռնակ` առանց պայթուցիչի, և տարբեր տրամաչափի 32 փամփուշտ ու հայտարարել, որ դրանք հայտնաբերել է նույն օրը, ժամը 16.00-ի սահմաններում, Մեծամոր քաղաքի Այգեգործական թաղամասում գտնվող իր ամառանոցի նկուղում մաքրման աշխատանքներ կատարելիս: Զինամթերքը պատկանել է 1997 թ. ԼՂՀ-ում ծառայողական պարտականությունները կատարելիս մահացած մարտական ընկերոջը:

***

Ոստիկանության Նաիրիի բաժնի ծառայողների բացատրական աշխատանքների շնորհիվ, մայիսի 10-ին, ժամը 17.30-ին, 1990 թ. ծնված Հովհաննես Խ.-ն կամավոր հանձնել է 2 նռնակ, նռնակի 2 պայթուցիչ, ինքնաձիգի 2 պահունակ և ինքնաձիգի տարբեր տրամաչափի 72 փամփուշտ ու հայտնել, որ դրանք պատկանել են հորեղբորը /մահացել է 1992 թ./, որն իր հետ բերել էր 1990-1992 թթ. ԼՂՀ պաշտպանական մարտերի ժամանակ:

***

Ոստիկանության Նոյեմբերյանի բաժնի ծառայողների բացատրական աշխատանքների շնորհիվ, մայիսի 10-ին, ժամը 13.55-ին, 1988 թ. ծնված Սասուն Հ.-ն կամավոր հանձնել է ինքնաշեն ատրճանակ` հարմարեցված 5.6 մմ տրամաչափի փամփուշտներ կրակելու համար, և 5.6 մմ տրամաչափի 5 փամփուշտ ու հայտնել, որ զենք-զինամթերքը պատկանել է հանգուցյալ հորը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ոստիկանություն ներկայացած քաղաքացիները զենք-զինամթերք են հանձնել

ՀԻՄՆԱԿԱՆ