Հանձնել է երկու ինքնաձիգ
«Կանեփ-կակաչ 2018» օպերատիվ-կանխարգելիչ միջոցառման շրջանակներում ՀՀ ոստիկանության կազմակերպված հանցավորության դեմ պայքարի գլխավոր, Լոռու մարզային վարչությունների, վետերանների խորհրդի և Ստեփանավանի բաժնի ծառայողների համատեղ օպերատիվ-հետախուզական միջոցառումների և բնակչության շրջանում տարված բացատրական աշխատանքների շնորհիվ, օգոստոսի 27-ին, ժամը 16.20-ին, 1955 թ. ծնված Ռաֆայել Զ.-ն ներկայացրել է «ԱԿ» տիպի ինքնաձիգ` պահունակով, և անհայտ տեսակի 1 ինքնաձիգ` հայտարարելով, որ դրանք 1993 կամ 1994թ-ին, աշնանը Սուրբ Նշան-Գարեգին Նժդեհ փողոցների խաչմերուկի մոտ, պահելու նպատակով իրեն է տվել իր հանգուցյալ ընկերը, ով դրանք իր հետ բերել է 1993-1994 թթ. ԼՂՀ պաշտպանական մարտերին մասնակցելու ժամանակ, և ինքը դրանք պահել է իր տանը կից ավտոտնակում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
