Հատված սոճիներ

Նոյեմբերի 13-ին, ժամը 22.30-ին, ոստիկանության Սպիտակի բաժնում ահազանգ է ստացվել, որ Սպիտակ-Երևան ճանապարհի 15-րդ կմ-ի ոլորաններում սոճիներ են հատում:

Մեկնած օպերատիվ խումբը պարզել, որ 1977 թ. ծնված Բաբկեն Ս.-ն, 1979 թ. ծնված Արկադի Ս.-ն և 1991 թ. ծնված Նարեկ Ս.-ն  Ջրաշեն գյուղի հանդամասում ձեռքի սղոցով և կացնով ապօրինի հատել են սոճիներ, որոնցից պատրաստել են  5-ից մինչև 15 սմ տրամագծով տարբեր երկարության 87 գերաններ, որոնք բարձել են Նարեկ Ս.-ի վարած «ԳԱԶ-53» մակնիշի ավտոմեքենան:

Փայտանյութով բեռնված ավտոմեքենան տեղափոխվել է տուգանային հրապարակ:

Ձեռքի սղոցն ու կացինն առգրավված են:

Հատված ծառերի քանակը և պատճառված վնասի չափը պարզվում են:

Կատարվում է հետաքննություն: