Հետախուզվում էր դատաքննությունից խուսափելու համար

ՆԳՆ ոստիկանության Տարոնի բաժնի ծառայողների ձեռնարկած օպերատիվ-հետախուզական միջոցառումների շնորհիվ փետրվարի 28-ին Վանաձորի Մխիթար Գոշի փողոցում հայտնաբերվել և բաժին է տեղափոխվել 30-ամյա Ջանիբեկ Մ.-ն, որը հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով դատաքննությունից խուսափելու համար: Նա ներկայացվել է պրոբացիայի ծառայություն: