Ոստիկանություն բերման ենթարկվածը նաև հետախուզվում էր գողության մեղադրանքով

Մարտի 12-ին ապօրինի թմրանյութ պահելու և օգտագործելու, ինչպես նաև սառը զենք կրելու կասկածանքով ձերբակալվել և ոստիկանության Քանաքեռ-Զեյթունի բաժին էր ներկայացվել 30-ամյա Աղվան Գ.-ն: Քրեական հետախույզների ձեռնարկած միջոցառումների շնորհիվ պարզվել է, որ նա 2023 թ. հոկտեմբերի 23-ից ոստիկանության Արաբկիրի բաժնի կողմից հետախուզվում էր գողության մեղադրանքով:
Աղվան Գ.-ն հանձնվել է ոստիկանության Արաբկիրի բաժնի ծառայողներին:
Խափանման միջոցը՝ ստորագրություն: