Շիրակի մարզի պարեկները ծառայության ընթացքում հետախուզվողի են հայտնաբերել
02.02.2023 10:34
Արձանագրված դեպքեր
![Շիրակի մարզի պարեկները ծառայության ընթացքում հետախուզվողի են հայտնաբերել Շիրակի մարզի պարեկները ծառայության ընթացքում հետախուզվողի են հայտնաբերել](/timthumb?src=/resources/police/img/news/big/1675319884-4843.jpeg&q=75&w=780&wm=1)
ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 5-րդ դասակի պարեկները, տեխնիկական զննություն չունենալու համար, փետրվարի 1-ին Գյումրիի Երևանյան խճուղում կանգնեցրել են «ՎԱԶ-210740» մակնիշի ավտոմեքենան: Պարզվել է, որ վարորդը՝ 30-ամյա Գերասիմ Շ.-ն, հունվարի 1-ից ՌԴ Կուրսկ քաղաքի ոստիկանության կողմից հետախուզվում էր ՌԴ քրեական օրենսգրքի 264-րդ հոդվածի (Տրանսպորտային միջոցը ոչ սթափ վիճակում վարելը) մեղադրանքով:
Խափանման միջոցը՝ ստորագրություն:
Հայտնաբերման մասին տեղյակ է պահվել հետախուզումը նախաձեռնողին: