Հետախուզվողը հայտնաբերվեց Բագրատաշենի սահմանային անցակետում

Ոստիկանության Շենգավիթի բաժնի ՔՀԲ-ում ստացված օպերատիվ տվյալներն իրացնելով՝ նոյեմբերի 9-ին Բագրատաշենի սահմանային անցակետից բերման է ենթարկվել 29-ամյա Վարդան Հ.-ն, որը նոյեմբերի 2-ից հետախուզվում էր ՀՀ քրեական օրենսգրքի 113-րդ (Դիտավորությամբ առողջությանը միջին ծանրության վնաս պատճառելը) և 235-րդ (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հոդվածների մեղադրանքով:
Խափանման միջոցը՝ կալանք:
Վարդան Հ.-ն ներկայացվել է նախաքննական մարմնին: