Հետախուզվողը վերադարձավ Հայաստան և ներկայացավ ոստիկանություն

Ոստիկանության Կենտրոնական և Տավուշի բաժինների քրեական հետախույզների ձեռնարկած օպերատիվ-հետախուզական միջոցառումների և բացատրական աշխատանքի արդյունքում նոյեմբերի 15-ին Միներալնիե Վոդի-Երևան չվերթի ինքնաթիռով ժամանել և Կենտրոնական բաժին է ներկայացել 37-ամյա Վլադիկ Մ.-ն, որը հունիսի 12-ից հետախուզվում էր ՀՀ նախկին քրեական օրենսգրքի 117-րդ հոդվածի (Դիտավորությամբ առողջությանը թեթև վնաս պատճառելը) մեղադրանքով:
Խափանման միջոցը՝ ստորագրություն: