Հետախուզվողը ներկայացավ բացատրական աշխատանքի արդյունքում

Ոստիկանության Շենգավիթի բաժնի ծառայողների բացատրական աշխատանքի շնորհիվ փետրվարի 20-ին բաժին է ներկայացել 33-ամյա Սարգիս Բ.-ն, որը 2022 թ. օգոստոսի 16-ից հետախուզվում էր ՀՀ քրեական օրենսգրքի 171-րդ (Առողջությանը թեթև վնաս պատճառելը), 335-րդ (Հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) և 297-րդ (Խուլիգանությունը) հոդվածների մեղադրանքով:
Խափանման միջոցը՝ կալանք: