Կեղծելու և պետական սահմանն ապօրինի հատելու մեղադրանքով հետախուզվողը հայտնաբերվեց

ՆԳՆ ոստիկանության Երևան քաղաքի վարչության քրեական հետախույզները փետրվարի 20-ին Մոսկովյան փողոցում հայտնաբերել և Կենտրոնական բաժին են տեղափոխել 53-ամյա Արմեն Խ.-ին, որը որը հետախուզվում էր ՀՀ քրեական օրենսգրքի 457-րդ (Փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը) և 469-րդ (Պետական սահմանն ապօրինի հատելը) հոդվածների մեղադրանքով:
Խափանման միջոցը՝ բացակայելու արգելք: