Նույն հոդվածով երկու հետախուզվողի են հայտնաբերել Արաբկիրի ոստիկանները

Արաբկիրի քրեական հետախույզների ձեռնարկած օպերատիվ-հետախուզական միջոցառումների շնորհիվ օգոստոսի 24-ին, ժամը 14-ին, Թոթովենցի փողոցի իր բնակարանում հայտնաբերվել է 1957 թ. ծնված մի տղամարդ, որն օգոստոսի 23-ից հետախուզվում էր քրեական օրենսգրքի 344-րդ հոդվածի 1-ին մասի մեղադրանքով, խափանման միջոցը՝ բացակայելու արգելք:
Արաբկիրի ոստիկանները հայտնաբերել են քրեական օրենսգրքի նույն հոդվածի մեղադրանքով ևս մեկ հետախուզվողի: Օգոստոսի 24-ին, ժամը 14-ին, նա հայտնաբերվել է Ազատության պողոտայում և տեղափոխվել բաժին: