ՌԴ իրավապահների կողմից հետախուզվողը հայտնաբերվեց «Զվարթնոց» օդանավակայանում

Ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ մարտի 25-ին Երևան-Սամարա չվերթի հաշվառումից հետո ձերբակալվել և գծային բաժին է տարվել 65-ամյա Հարություն Հ.-ն: Նա 2022 թ. դեկտեմբերի 14-ից ՌԴ Սարատովի մարզի իրավապահների կողմից հետախուզվում էր ՌԴ քրեական օրենսգրքի 264-րդ հոդվածի 3-րդ մասի (Ճանապարհային երթևեկության և տրանսպորտային միջոցների շահագործման կանոնների խախտումը, որը անզգուշությամբ առաջացրել է մահ) մեղադրանքով:
Հայտնաբերման մասին հայտնվել է հետախուզումը նախաձեռնողին և դատախազությանը: