Քրեական ոստիկանության ծառայողները հայտնաբերել են հերթական հետախուզվողին. նա տեղափոխվել է քրեակատարողական հիմնարկ

Քրեական ոստիկանության գլխավոր վարչության ծառայողները հոկտեմբերի 25-ին հայտնաբերել են հերթական հետախուզվողին։ Նրանք օպերատիվ-հետախուզական միջոցառումների շնորհիվ տեղեկություններ ստացան առանձնապես խոշոր չափերի խարդախության և շորթման մեղադրանքով հետախուզվողի գտնվելու վայրի վերաբերյալ։ Գլխավոր վարչության ծառայողները տեղեկություններն իրացրին՝ համագործակցելով ոստիկանության Նոր Նորքի բաժնի ծառայողների հետ։  Վանաձոր քաղաքի Տիգրան Մեծի փողոցում հայտնաբերվեց ու ձերբակալվեց 41-ամյա մի տղամարդ, որը հաշվառված է մայրաքաղաքում։ Նա հետախուզվում էր սեպտեմբերի 12-ից՝ ոստիկանության Նոր Նորքի բաժնի կողմից: Խափանման միջոցը՝ կալանք։ Տղամարդը տեղափոխվել է քրեակատարողական հիմնարկ։ Նախաքննությունը շարունակվում է։