Հետախուզվողը հայտնաբերվել և ներկայացվել է նախաքննական մարմին

ՆԳՆ ոստիկանության Սիսիանի բաժնի քրեական հետախույզները ձեռնարկված օպերատիվ-հետախուզական միջոցառումների արդյունքում փետրվարի 23-ին Սիսիան քաղաքի Շահումյան փողոցում հայտնաբերել և բաժին են ներկայացրել 30-ամյա Բագրատ Թ.-ին, որը հետախուզվում էր ՀՀ քրեական օրենսգրքի 344-րդ հոդվածի (Տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով:

Խափանման միջոցը՝ ստորագրություն։
Նա ներկայացվել է նախաքննական մարմին։