Ոստիկանության ծառայողները գողության մեղադրանքով հետախուզվողների են հայտնաբերել

Ոստիկանության ՔՈ գլխավոր վարչության ծառայողները, իրացնելով օպերատիվ տվյալները, Էրեբունու բաժնի ՔՀԲ ծառայողների հետ օգոստոսի 20-ին Տիգրան Պետրոսյան փողոցից բերման են ենթարկել 49-ամյա Հովհաննես Ա.-ին, որը օգոստոսի 8-ից Կենտրոնական բաժնի կողմից հետախուզվում էր ՀՀ քրեական օրենսգրքի 177-րդ հոդվածի (Գողությունը) 2-րդ մասի մեղադրանքով:
Խափանման միջոցը՝ կալանք:

***

Ոստիկանության ՔՈ գլխավոր վարչության և Արաբկիրի բաժնի ՔՀԲ ծառայողների ձեռնարկած միջոցառումներով օգոստոսի 19-ին թմրամիջոցների ապօրինի շրջանառության համար բերման ենթարկված 46-ամյա Վազգեն Մ.-ն նաև հետախուզվում էր ՌԴ իրավապահների կողմից՝ ՌԴ քրեական օրենսգրքի 158-րդ հոդվածի (Գողությունը) մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին և դատախազություն: