Հետախուզվողները ներկայացան Գուգարքի ոստիկանների ձեռնարկած միջոցառումների շնորհիվ

Ոստիկանության Գուգարքի բաժնի ծառայողների ձեռնարկած միջոցառումների և բացատրական աշխատանքի շնորհիվ փետրվարի 24-ին բաժին են ներկայացել 22-ամյա Շահեն Ա.-ն, 28-ամյա Արեն Մ.-ն և 21-ամյա Կարեն Մ.-ն, որոնք փետրվարի 14-ից Գուգարքի բաժնի կողմից հետախուզվում էին 34-131-րդ (Մարդուն առևանգելու փորձը) և 258-րդ (Խուլիգանությունը) հոդվածների մեղադրանքով նախաքննությունից խուսափելու համար:
Խափանման միջոցը՝ կալանք:
Նրանք տեղափոխվել են քրեակատարողական հիմնարկ: