Հետախուզվում էին ՀՀ քրեական օրենսգրքի 268 հոդվածի մեղադրանքով

Ոստիկանության Շենգավիթի  բաժնի և Չարբախի բաժանմունքի ծառայողները դեկտեմբերի 5-ին, ժամը 15.20-ին, Շարուրի փողոցի 15 շենքից բերման են ենթարկել դեկտեմբերի 5-ից ՀՀ քրեական օրենսգրքի 268 հոդվածի /թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց  իրացնելու նպատակի/ 1-ին մասի մեղադրանքով հետախուզվող, 1994 թ. ծնված Աբել Դ.-ին:

 

***

 

Դեկտեմբերի 5-ին, ժամը 10.30-ին, ոստիկանության Նոր Նորքի բաժնի ծառայողները, իրացնելով օպերատիվ տվյալները, Սարի թաղի 28-րդ փողոցից բերման են ենթարկել 1950 թ. ծնված Սամվել Շ.-ին, որը   դեկտեմբերի 5-ից հետախուզվում էր ՀՀ քրեական օրենսգրքի  268 հոդվածի /թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց  իրացնելու նպատակի/ 1-ին մասի մեղադրանքով: