Հետախուզվում էր հարկեր, տուրքեր չվճարելու մեղադրանքով

ՆԳՆ ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ հունվարի 15-ին Հռոմ-Երևան չվերթի ինքնաթիռի ժամանումից հետո գծային բաժին է տարվել 48-ամյա Զարուհի Դ.-ն: Նա 2023 թ. դեկտեմբերի 7-ից ոստիկանության Մաշտոցի բաժնի կողմից հետախուզվում էր ՀՀ քրեական օրենսգրքի 290-րդ հոդվածի (Հարկերը, տուրքերը կամ այլ վճարներ չվճարելը) 3-րդ մասի մեղադրանքով:
Խափանման միջոցը՝ կալանք:
Նա ներկայացվել է նախաքննական մարմին: