ՀԻՇԵՑՈՒՄ. ապօրինի պահվող զենք-զինամթերքը կամավոր հանձնողներն ազատվում են քրեական պատասխանատվությունից

Ոստիկանության Շենգավիթի բաժնի և ՊՊԳՎ Շենգավիթի պահպանության բաժնի ծառայողների բացատրական աշխատանքների շնորհիվ, հոկտեմբերի 11-ին, ժամը 15.20-ին, բաժին է ներկայացել 1977 թ. ծնված Ռիմա Ե.-ն և հանձնել «Ֆ-1» տիպի նռնակ՝ առանց պայթուցիչի, «ՏՕԶ» տիպի մեկփողանի, հարթափող հրացան, ինքնաձիգի պահունակ՝ լիցքավորված 5.45 մմ տրամաչափի 30 փամփուշտով, և ինքնաձիգի 7.62 մմ տրամաչափի 90 փամփուշտ:
Ռիմա Ե.-ն հայտարարել է, որ հայտնաբերվածը պատկանել է հանգուցյալ ամուսնուն, որը մասնակցել է ԼՂՀ ինքնապաշտպանական մարտերին:

***

Ոստիկանության Շենգավիթի բաժնի ծառայողների բացատրական աշխատանքների շնորհիվ, հոկտեմբերի 11-ին, ժամը 18.30-ին, բաժին է ներկայացել 1956 թ. ծնված Նախշուն Ա.-ն և հանձնել ինքնաշեն, թմբուկավոր ատրճանակ, 8 մմ տրամաչափի՝ 8, 7.62 մմ տրամաչափի՝ 6, 5.45 մմ տրամաչափի՝ 42 և այլ տեսակի 117 փամփուշտ:
Նախշուն Ա.-ն հայտարարել է, որ հայտնաբերվածը պատկանել է ԼՂՀ ինքնապաշտպանական մարտերին ընթացքում զոհված ամուսնուն: