ՀՀ ոստիկանության պետ Վլադիմիր Գասպարյանը ճանապարհային ոստիկաններին հրահանգեց օգնել քաղաքացիներին և նրանց ազատել ավելորդ քաշքշուկներից (ՏԵՍԱՆՅՈՒԹ և ԼՈՒՍԱՆԿԱՐՆԵՐ)
01.03.2014 18:04
Համակարգի լրատու
![ՀՀ ոստիկանության պետ Վլադիմիր Գասպարյանը ճանապարհային ոստիկաններին հրահանգեց օգնել քաղաքացիներին և նրանց ազատել ավելորդ քաշքշուկներից (ՏԵՍԱՆՅՈՒԹ և ԼՈՒՍԱՆԿԱՐՆԵՐ) ՀՀ ոստիկանության պետ Վլադիմիր Գասպարյանը ճանապարհային ոստիկաններին հրահանգեց օգնել քաղաքացիներին և նրանց ազատել ավելորդ քաշքշուկներից (ՏԵՍԱՆՅՈՒԹ և ԼՈՒՍԱՆԿԱՐՆԵՐ)](/timthumb?src=/resources/police/img/news/big/1393683282,1282.jpeg&q=75&w=780&wm=1)
Մարտի 1-ին ոստիկանության պետ Վլադիմիր Գասպարյանն այցելեց Ճանապարհային ոստիկանություն և աշխատանքային խորհրդակցություն ացկացրեց ղեկավարության ու ստորաբաժանումների պատասխանատուների հետ:
Մինչ այդ, ծանոթանալով տեսանկարահանման միջոցներով հայտնաբերված խախտումների արձանագրման բաժանմունքի աշխատանքին, Վլադիմիր Գասպարյանը ճանապարհային ոստիկաններից պահանջեց առավելագույն սկզբունքայնություն` երթևեկության վերահսկման գործում:
Խորհրդակցության ընթացքում քննարկվեցին ճանապարհային երթևեկության կարգավորման, դպրոցամերձ տարածքներում և կանգառներում ծառայության ուժեղացման, փողոցների գծանշման և ճանապարհային երթևեկության նշանների համակարգի թարմացման ու ամբողջացման, տեղական ինքնակառավարման մարմինների հետ համագործակցության խորացման և մի շարք այլ հարցեր:
Ոստիկանության պետը կոնկրետ ցուցումներ տվեց աշխատանքում իրենց տրանսպորտն օգտագործող գյուղացիների հանդեպ հատուկ վերաբերմունքի, շինանյութ տեղափոխող բեռնատարների երթևեկը վերահսկելու, մեքենաների կայանման կանոնների պահպանումը խստացնելու վերաբերյալ:
Վլադիմիր Գասպարյանն անդրադառնալով տարիներ շարունակ օրինական կերպով չփաստաթղթավորված տրանսպորտային միջոցների ցավոտ հիմնախնդրին՝ հրահանգեց այդ հարցում օգնել քաղաքացիներին և նրանց ազատել ավելորդ քաշքշուկներից:
Խորհրդակցությունից հետո Վլադիմիր Գասպարյանը եղավ ճանապարհային երթևեկության տեսադիտարկման կենտրոնում, ծանոթացավ աշխատանքի ընթացքին, մասնագետների հետ քննարկեց դիտարկումն ավելի արդյունավետ օգտագործելու հնարավորությունները:
![](/images/1gayi010314_01.jpg)
![](/images/2gayi010314_02.jpg)
![](/images/3gayi010314_03.jpg)
![](/images/gayi010314_04.jpg)
![](/images/gayi010314_05.jpg)
![](/images/gayi010314_06.jpg)
![](/images/gayi010314_07.jpg)
![](/images/gayi010314_08.jpg)
![](/images/gayi010314_09.jpg)
![](/images/gayi010314_10.jpg)
![](/images/gayi010314_11.jpg)
![](/images/gayi010314_12.jpg)
![](/images/gayi010314_13.jpg)
![](/images/1111222333444.jpg)
![](/images/gayi010314_14.jpg)
![](/images/gayi010314_15.jpg)
![](/images/gayi010314_17.jpg)
![](/images/gayi010314_18.jpg)
![](/images/gayi010314_19.jpg)