Հյուրանոցի միջանցքում տեղադրված տեսախցիկն արձանագրել է, որ օտարերկրացու սենյակից գողությունը կատարել է շվեյցարը
![Հյուրանոցի միջանցքում տեղադրված տեսախցիկն արձանագրել է, որ օտարերկրացու սենյակից գողությունը կատարել է շվեյցարը Հյուրանոցի միջանցքում տեղադրված տեսախցիկն արձանագրել է, որ օտարերկրացու սենյակից գողությունը կատարել է շվեյցարը](/timthumb?src=/resources/police/img/news/big/1392729957,372.jpeg&q=75&w=780&wm=1)
Փետրվարի 17-ին, ժամը 22.00-ին, հյուրանոցային համալիրներից մեկի աշխատակիցը ոստիկանության Հրազդանի բաժնում հաղորդում տվել, որ նույն օրը, ժամը 12.00-ի սահմաններում, հյուրանոցում օթևանած օտարերկրյա քաղաքացի Ֆ.-ն իրեն հայտնել է, որ իր սենյակից գողացել են 2.300 դոլար, որից հետո աշխատակիցը միջանցքում տեղադրված տեսախցիկի ձայնագրությունը դիտելով պարզել է, որ ժամը 04.00-ի սահմաններում Ֆ.-ի սենյակ ապօրինի մուտք է գործել հյուրանոցի շվեյցարը` 1991 թ. ծնված Գոռ Գ.-ն:
Վերջինս բերման է ենթարկվել բաժին:
Խուզարկությամբ նրա բաճկոնի գրպանի դրամապանակում հայտնաբերվել է 1.501 դոլար, 500 ՌԴ ռուբլի, 74.000 դրամ, բանկերի պլաստիկ քարտեր, Ծաղկաձորի ճոպանողու մուտքի քարտ:
Գոռ Գ.-ն ձերբակալված է:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: