Հյուրանոցի սենյակից գողացել էր տղամարդու դրամապանակն ու հեռախոսը
![Հյուրանոցի սենյակից գողացել էր տղամարդու դրամապանակն ու հեռախոսը Հյուրանոցի սենյակից գողացել էր տղամարդու դրամապանակն ու հեռախոսը](/timthumb?src=/resources/police/img/news/big/1612955078-8137.jpeg&q=75&w=780&wm=1)
Փետրվարի 9-ին, ժամը 01.50-ին, ոստիկանության Քանաքեռ-Զեյթունի բաժին դիմած տղամարդը հաղորդում էր տվել, որ Մարի ներկայացած անձը հյուրանոցի սենյակում, օգտվելով իր բացակայությունից, վերարկուի գրպանից գողացել է դրամապանակը, որի մեջ եղել է 527.000 դրամ։ Կինը գողացել էր նաև սեղանին դրված բջջային հեռախոսն ու լիցքավորիչ սարքը։
Քանաքեռ-Զեյթունի բաժնի ոստիկանների ձեռնարկած միջոցառումների արդյունքում պարզվել է Մարի ներկայացած կնոջ ինքնությունը։ Նա հայտնաբերվել և Սայաթ-Նովայի պողոտայից բերման է ենթարկվել բաժին։ 32-ամյա կինը տվել է խոստովանական բացատրություն և ներկայացրել բջջային հեռախոսն ու լիցքավորիչը:
Ձեռնարկվում են միջոցառումներ՝ դրամապանակն ու փողը հայտնաբերելու ուղղությամբ:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: