Հյուրընկալություն ՀՀ ոստիկանությունում. հայ-եգիպտական համագործակցությունը ոստիկանական ոլորտում երկու տասնամյակի պատմություն ունի և լուրջ արդյունքներ է արձանագրել
14.11.2012 19:25
Ընդունելություններ
![Հյուրընկալություն ՀՀ ոստիկանությունում. հայ-եգիպտական համագործակցությունը ոստիկանական ոլորտում երկու տասնամյակի պատմություն ունի և լուրջ արդյունքներ է արձանագրել Հյուրընկալություն ՀՀ ոստիկանությունում. հայ-եգիպտական համագործակցությունը ոստիկանական ոլորտում երկու տասնամյակի պատմություն ունի և լուրջ արդյունքներ է արձանագրել](/timthumb?src=/resources/police/img/news/big/1352907004,3103.jpeg&q=75&w=780&wm=1)
Նոյեմբերի 14-ին ՀՀ ոստիկանության պետ, գեներալ-լեյտենանտ Վլադիմիր Գասպարյանն ընդունեց ՀՀ-ում Եգիպտոսի Արաբական Հանրապետության դեսպան Մոհամեդ Ալաաէլդին Սաադ Էլլեյսիին:
Ողջունելով բարձրաստիճան հյուրին՝ Վլադիմիր Գասպարյանը նշեց, որ հայ-եգիպտական համագործակցությունը ոստիկանական ոլորտում երկու տասնամյակի պատմություն ունի և լուրջ արդյունքներ է արձանագրել հատկապես Հայաստանի ոստիկանական կադրերի վերապատրաստման ուղղությամբ:
1994-2010 թվականներին թմրամիջոցների անօրինական շրջանառության, կաշառակերության, փողերի լվացման դեմ պայքարի և այլ թեմաներով վերապատրաստման դասընթացների է մասնակցել շուրջ 700 հայ ոստիկան:
Շնորհակալություն հայտելով ջերմ ընդունելության համար՝ դեսպանը հավաստիացրեց, որ համագործակցությունը կշարունակվի ու կխորանա ի շահ երկու երկրների անվտանգության և հասարակական կարգուկանոնի:
Հանդիպումն անցավ կառուցողական և գործընկերային մթնոլորտում: