Հոգեներգործուն դեղամիջոցներ պահելու կասկածանքով

Հունվարի 11-ին, ժամը 18.00-ին, ոստիկանության Մաշտոցի բաժնի ծառայողները, հոգեներգործուն դեղամիջոցներ պահելու կասկածանքով, Շինարարների փողոցի 15 շենքի բնակարաններից մեկից բերման են ենթարկել 1974 թ. ծնված Արթուր Հ.-ին, որի բնակարանի հյուրասենյակում հայտնաբերվել է «Ազելեպտին» տեսակի հոգեներգործուն դեղահաբ:
Հայտնաբերվածն ուղարկվել է դատաքիմիական փորձաքննության:
Ձեռնարկված օպերատիվ-հետախուզական միջոցառումների շնորհիվ պարզվել է, որ նա դեղամիջոցը հունվարի 3-ին ձեռք է բերել 1970 թ. ծնված Ռոբերտ Ղ.-ից:
Վերջինիս բնակարանի խոհանոցի սեղանից հայտնաբերվել են 65 հատ «Տրիֆտազին», 20 հատ «Ազալեպտին» և 20 հատ «Գալոպերիդոլ» հոգեներգործուն դեղահաբեր:
Ռոբերտ Ղ.-ն նույն օրը, ժամը 21.00-ին, բերման է ենթարկվել բաժին և բացատրություն տվել, որ նշված դեղահաբերը պատկանում են իրեն և ինքն է Արթուր Հ.-ին տվել «Ազալեպտին» հոգեներգործուն դեղահաբը:
Կատարվում է նախաքննություն: