Բացահայտվել է հորթի գողության դեպքը

Հուլիսի 27-ին, ժամը 20.00-ին, ոստիկանության Վաղարշապատի բաժնում հաղորդում է ստացվել, որ ժամը 15.00-ի սահմաններում Դաշտ գյուղի մի հողատարածքից գողացել են հորթ՝ տիրոջը պատճառելով 250.000 դրամի վնաս:
Վաղարշապատի քրեական հետախույզների ձեռնարկած օպերատիվ-հետախուզական միջոցառումների շնորհիվ նույն օրը, ժամը 21.00-ին, բաժին է ներկայացվել երևանցի 44-ամյա մի տղամարդ։ Պարզվել է, որ գողությունը նա է կատարել, ինչի վերաբերյալ տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: