Ստուգման ժամանակ ապօրինի պահվող հրազեն է հայտնաբերվել
![Ստուգման ժամանակ ապօրինի պահվող հրազեն է հայտնաբերվել Ստուգման ժամանակ ապօրինի պահվող հրազեն է հայտնաբերվել](/timthumb?src=/resources/police/img/news/big/1669796185-7218.jpeg&q=75&w=780&wm=1)
Նոյեմբերի 29-ին ոստիկանության Աշտարակի բաժնի համայնքային տեսուչը, զենքի և փամփուշտների պահման պայմանները, ամբողջականությունը և անվտանգության պայմանները ստուգելու նպատակով, այցելել է Կոշ գյուղի բնակիչներից մեկի տուն: 24-ամյա երիտասարդի անվամբ հաշվառված «ՄՌ-155» մոդելի 12 մմ տրամաչափի զենքի պահման պայմանները ստուգելու ժամանակ չհրկիզվող պահարանում հայտնաբերել է ապօրինի պահվող որսորդական հրազեն:
24-ամյա երիտասարդը, ապօրինի զենք պահելու անմիջականորեն ծագած կասկածանքով, ձերբակալվել և տեղափոխվել է ոստիկանության Աշտարակի բաժին:
Նախաձեռնվել է վարչական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: