Հրացաններ, ատրճանակ և փամփուշտներ` կամավոր

Հունիսի 17-ին, ժամը 11.00-ին, ոստիկանության Եղեգնաձորի բաժին է ներկայացել 1964 թ. ծնված Սիրեկան Բ.-ն և կամավոր հանձնել «ՄՑ21-12» տիպի 12 մմ տրամաչափի մեկփողանի, «ԻԺ-12» տիպի 12 մմ տրամաչափի երկփողանի և «ԻԺ-54» տիպի 12 մմ տրամաչափի մեկփողանի ողորկափող որսորդական հրացաններ:
Ներկայացվածն ուղարկվել է փորձաքննության:

***
Հունիսի 17-ին, ժամը 18.50-ին, մի քաղաքացուհի ներկայացել է ոստիկանության Արարատի բաժին և կամավոր հանձնել օդամղիչ ատրճանակ` ձևափոխված 5,65 մմ տրամաչափի փամփուշտ կրակելու համար, 5,45 մմ տրամաչափի 30 փամփուշտ և 7,62 մմ տրամաչափի 40 փամփուշտ:
Ներկայացվածն ուղարկվել է փորձաքննության:

***
Հունիսի 17-ին, ժամը 16.30-ին, 1964 թ. ծնված Գագիկ Ղ.-ն ոստիկանության Սպիտակի բաժնում կամավոր հանձնել է ինքնաձիգի 5,45 մմ տրամաչափի` 45, ինքնաձիգի 7,62 մմ տրամաչափի` 3, գնդացրի 12 մմ տրամաչափի 1 և գնդացրի 18 մմ տրամաչափի 1 փամփուշտ:
Ներկայացվածն ուղարկվել է փորձաքննության: