Հրդեհի առաջացման պատճառը պարզվել է

12.11.2013 16:15 Հրդեհ

Նոյեմբերի 9-ին, ժամը 15.30-ին, ոստիկանության Գորիսի բաժնում հաղորդում էր ստացվել, որ Կոռնիձոր գյուղում խոտի դեզ է այրվում:

Կրակը մարվել է ժամը 19.44-ին` մարտական մեկ հաշվարկի ուժերով:

Սյունիքի մարզի հրդեհային և տեխնիկական անվտանգության տեսչությունում նախապատրաստվող նյութերով պարզվել է, որ նոյեմբերի 9-ին, ժամը 14.30-ի սահմաններում, 1966 թ. ծնված Սուրեն Հ.-ն իր տնամերձ հողամասում կուտակված խոտի դեզին հարակից տարածքում կրակ է վառել և թողել առանց հսկողության, ինչի հետևանքով այրվել է մոտ 700 հակ խոտ և 200 հակ ծղոտ:

Պատճառված նյութական վնասի չափը կազմում է 530.000 դրամ:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հրդեհի առաջացման պատճառը պարզվել է

ՀԻՄՆԱԿԱՆ