Բերման էին ենթարկել որսագողության կասկածանքով. Նոր Հաճընի ոստիկանների բացահայտումը

Օգոստոսի 6-ին, ժամը 18-ի սահմաններում, ոստիկանության Նոր Հաճընի բաժանմունքի ծառայողները, Կոտայքի մարզի բնապահպանական ոլորտի աշխատակիցների հետ, Նոր Գեղի համայնքում, Հրազդան գետի ափից, ձկնորսության պարագաներով ու ձկներով հանդերձ, ապօրինի որս կատարելու կասկածանքով, բերման ենթարկեցին Քարաշամբ գյուղի 55-ամյա մի բնակչի:
Բաժանմունքում նա ոստիկաններին ներկայացրեց 157 կողակ, 39 բեղլու, ձկնորսական ցանց, 60 ամպեր հզորությամբ էլեկտրական մարտկոց, էլեկտրական փոխանցիչ՝ սև և կարմիր մալուխներով:
Ըստ 55-ամյա տղամարդու` դրանք պատկանում է իրեն, ձկներն ինքն է որսացել` հոսանքահարման եղանակով:
Հանգամանքները պարզվում են:
Փաստի առթիվ նախապատրաստվում են նյութեր: