Փորձել էին Մարմարիկ գետից էլեկտրական հոսանքի գործադրմամբ ձուկ որսալ
![Փորձել էին Մարմարիկ գետից էլեկտրական հոսանքի գործադրմամբ ձուկ որսալ Փորձել էին Մարմարիկ գետից էլեկտրական հոսանքի գործադրմամբ ձուկ որսալ](/timthumb?src=/resources/police/img/news/big/1709221627-9927.jpeg&q=75&w=780&wm=1)
Փետրվարի 28-ին ՆԳՆ ոստիկանության Հրազդանի բաժնի համայնքային ոստիկանները օպերատիվ տեղեկություններն իրացրին փետրվարի 28-ին: Ձեռնարկված միջոցառումների արդյունքում նրանք պարզել են, որ երեք երիտասարդ, նախնական համաձայնության գալով, փորձել են էլեկտրական հոսանքի գործադրմամբ Մարմարիկ գետից ձուկ որսալ, սակայն նկատելով ոստիկաններին՝ ձուկ չեն որսացել:
Աղավնաձորցի երիտասարդները գետի ափին հայտնաբերվել, ապօրինի ձուկ որսալու անմիջականորեն ծագած կասկածի հիմքով ձերբակալվել և տեղափոխվել են ոստիկանության Հրազդանի բաժին: Նրանցից մեկի ուսապարկում հայտնաբերվել են ավտոմեքենայի մարտկոց, հոսանքի կարգավորիչ և ձուկ որսալու ցանց՝ ամրացված հոսանքի լարով:
Երիտասարդները, կազմված փաստաթղթերը և հայտնաբերված իրերը ներկայացվել են Կոտայքի մարզային քննչական վարչություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: