Ճանապարհատրանսպորտային պատահարներ

Ապրիլի 23-ին, ժամը 00.30-ին, Երևանի Սայաթ-Նովայի պողոտայի և Խանջյան փողոցի խաչմերուկում իրար են բախվել «Նիսան», «Բիուայդի», «Հոնդա», «Լեքսուս» և «ՎԱԶ-21104» մակնիշի ավտոմեքենաներ:
«ՎԱԶ-21104»-ի 2 ուղևորները և «Նիսան»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Ապրիլի 22-ին, ժամը 05.30-ին, Երևան քաղաքի Երևանյան խճուղու թիվ 10 տան դիմաց «Տոյոտա» մակնիշի ավտոմեքենա է բախվել «Օպել» մակնիշի երկու ավտոմեքենաների, որից հետո դուրս գալով երթևեկելի մասից` բախվել է նշված տան դարպասին:
«Օպել»-ներից մեկի վարորդը, ուղևորը և «Տոյոտա»-ի սրահում գտնվող 3 անձինք մարմնական վնասվածքներով տեղափոխվել են հիվանդանոց:
Ձեռնարկվում են միջոցառումներ «Տոյոտա»-ի վարորդի ինքնությունը պարզելու ուղղությամբ:
Կատարվում է քննություն:

***
Ապրիլի 22-ին, ժամը 11.30-ի սահմաններում, Արագածոտնի մարզի Ոսկեվազ գյուղի գյուղամիջյան ճանապարհին «Օպել Վեկտրա» մակնիշի ավտոմեքենա է բախվել «Ֆորդ» մակնիշի ավտոմեքենայի:
«Օպել Վեկտրա»-ի վարորդը, ուղևորը և «Ֆորդ»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Ապրիլի 22-ին, ժամը 08.35-ի սահմաններում, Երևան-Գյումրի ճանապարհի 83-րդ կմ-ին «ԳԱԶել» մակնիշ միկրոավտոբուսը մխրճվել է ճանապարհով անցնող ոչխարի հոտի մեջ, ինչի հետևանքով 17 ոչխար սատկել է, 8-ը` վնասվել:
Պատճառված նյութական վնասի չափը պարզվում է:
Ձեռնարկվում են միջոցառումներ ավտոմեքենան հայտնաբերելու ուղղությամբ:
Կատարվում է հետաքննություն:

***
Ապրիլի 22-ին, ժամը 13.40-ի սահմաններում, Սևան-Մարտունի-Գետափ ճանապարհի 51-րդ կմ-ին «ԳԱԶ-33023» մակնիշի ավտոմեքենա է դուրս եկել ճանապարհի երթևեկելի գոտուց և շրջվել, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է նախաքննություն:

***
Ապրիլի 22-ին, ժամը 19.30-ի սահմաններում, Սպիտակ-Երևան ճանապարհի 7-րդ կմ-ին «ԿամԱԶ» մակնիշի ավտոմեքենա է բախվել «Օպել Վեկտրա» մակնիշի ավտոմեքենայի:
«Օպել Վեկտրա»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Ապրիլի 22-ին, ժամը 00.05-ին, Կապանի Հ.Ավետիսյան փողոցի թիվ 16 շենքի մոտ «ՎԱԶ-2106» մակնիշի ավտոմեքենա է բախվել ծառի:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն: