Տեղի ունեցավ ՃՈ-ում աշխատել ցանկացողների քննության երկրորդ փուլը (ՏԵՍԱՆՅՈՒԹ)

Փետրվարի 5-ին ճանապարհային ոստիկանությունում տեղի ունեցավ ստորաբաժանումում աշխատել ցանկացող քաղաքացիների քննության երկրորդ փուլը:
Նախքան քննության մեկնարկը դիմորդների հետ հանդիպեց ճանապարհային ոստիկանության պետ Եգոր Կարապետյանը: Նա պատասխանեց հարցերին, ներկայացրեց քննության ընթացակարգն ու մաղթեց հաջողություն:
Մասնակցում էին քննության առաջին փուլում ամենաբարձր ցուցանիշներ ապահոված քաղաքացիները:
Քննության այս փուլը ընդհանուր գիտելիքների ստուգում է: Հանձնաժողովի անդամները հարցեր են ուղղում ճանապարհային ոստիկանությունում ծառայել ցանկացողներին: Փետրվարի 5-ին մասնակցում էին դիմորդներից 26-ը: Քննության ողջ ընթացքը տեսաձայնագրվում էր:
Հիշեցնենք, որ առաջին փուլում դիմորդները լուծում են ճանապարհային երթևեկության վերաբերյալ թեստ:
Ճանապարհային ոստիկանության ճանապարհապարեկային ծառայության միջին խմբի պաշտոններում ծառայության անցնելու համար դիմել է 169 թեկնածու: Նրանցից միայն 71-ին է հնարավորություն տրվել մասնակցելու քննություններին: Մնացած թեկնածուների դիմումներին ընթացք չի տրվել մասնագիտության, տարիքի, զինծառայության պիտանելիության հետ կապված խնդիրների պատճառով:
Քննության մասին առավել մանրամասն՝ առաջիկա թողարկումներից մեկում: