Հետախուզվողը հայտնաբերվեց ՃՈ հաշվառման-քննական կենտրոնում

Ոստիկանության Կումայրիի բաժնի քրեական հետախույզները և ՃՈ Գյումրիի հաշվառման-քննական հյուսիսային կենտրոնի ծառայողները համատեղ ձեռնարկած միջոցառումների արդյունքում հոկտեմբերի 31-ին կենտրոնում հայտնաբերել, ձերբակալել և Կումայրիի բաժին են տեղափոխել 21-ամյա Արտաշես Մ.-ին, որը սեպտեմբերի 13-ից ոստիկանության Հրազդանի բաժնի կողմից հետախուզվում էր ՀՀ նախկին քրեական օրենսգրքի 364-րդ հոդվածի (Զինվորական ծառայության պարտականությունները կատարելուց հրաժարվելը) մեղադրանքով:
Խափանման միջոցը՝ հրամանատարության հսկողությանը հանձնելը:
Հայտնաբերման մասին հայտնվել է հետախուզումը նախաձեռնողին: