ՃՈ ծառայողների այցը մանկական ճամբարներ

Հուլիսի 28-ին ճանապարհային ոստիկանության պետ Եգոր Կարապետյանն ու ՃՈ ծառայողներն այցելեցին Հանքավանի մանկական ճամբարներ։
Ճանապարհային ոստիկանության ներկայացուցիչները երեխաների հետ հանդիպմանը խոսեցին երթևեկության մասին։ Նրանք կարևորեցին ճանապարհային երթևեկության կանոնների պահպանումն ինչպես վարորդների, այնպես էլ հետիոտների կողմից։
Ոստիկանության գնդապետ Եգոր Կարապետյանը երեխաներին բացատրեց փողոցը ճիշտ հատելու, հետիոտնային անցումներից օգտվելու կարգը և նրանց նվիրեց լուսանդրադարձիչ թևնոցներ։
Հանդիպումների ընթացքում ճանապարհային ոստիկանները երեխաներին նվիրեցին ճանապարհային երթևեկության կանոնները ներկայացնող ուսուցողական գրքեր, նաև պատասխանացեին նրանց հետաքրքրող հարցերին։
Ճամբարականները ծանոթացան ճանապարհային ոստիկանության ծառայողական մեքենաների հնարավորություններին։