Ճանապարհատրանսպորտային պատահարներ
![Ճանապարհատրանսպորտային պատահարներ Ճանապարհատրանսպորտային պատահարներ](/timthumb?src=/resources/police/img/news/big/1524139840,2748.jpeg&q=75&w=780&wm=1)
Ապրիլի 18-ին, ժամը 18.40-ին, Երևանի Հաղթանակ կամրջի վրա իրար են բախվել «Միցուբիշի» և «Տոյոտա» մակնիշի ավտոմեքենաներ:
«Տոյոտա»-ի 2 ուղևորները մարմնական վնասվածքներով տեղափոխվել են հիվանդանոց:
Նույն օրը, ժամը 21.00-ին, բուժօգնության է դիմել նաև «Միցուբիշի»-ի վարորդը:
Կատարվում է քննություն:
***
Ապրիլի 18-ին, ժամը 3.00-ին, «Մերսեդես» մակնիշի ավտոմեքենան Երևանի Արին-Բերդի փողոցի թիվ 8/2 հասցեի մոտ բախվել է պատի. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Ապրիլի 18-ին, ժամը 23.50-ին, «ՎԱԶ-21099» մակնիշի ավտոմեքենայի վարորդը Երևանի Բագրատունյաց փողոցի թիվ 1/9 հասցեի մոտ վրաերթի է ենթարկել 26-ամյա երիտասարդի, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Ապրիլի 18-ին, ժամը 16.00-ին, հիվանդանոցից ոստիկանությունում հաղորդում է ստացվել, որ «գանգուղեղային տրավմա, գլխուղեղի ցնցում, ճակատի և դաստակների քերծվածքներ» ախտորոշմամբ բուժօգնության է տեղափոխվել 10-ամյա տղա և հայտարարել, որ վնասվածքները ստացել է փողոցում ընկնելու հետևանքով:
Ոստիկանության ծառայողները պարզել են, որ երեխան վնասվածքները ստացել է ոչ թե ընկնելու հետևանքով, այլ նույն օրը, ժամը 15.30-ի սահմաններում, Գեղարքունիքի մարզի Դդմաշեն գյուղի կենտրոնական փողոցում «ՎԱԶ-21015» մակնիշի ավտոմեքենայի 45-ամյա վարորդի կողմից վրաերթի ենթարկվելու հետևանքով:
Կատարվում է քննություն:
***
Ապրիլի 18-ին, ժամը 16.30-ին, «Մերսեդես Բենց Ե230» մակնիշի ավտոմեքենան Վարդենիսի Երևանյան փողոցում բախվել է «Մերսեդես Բենց Ե350» մակնիշի ավտոմեքենայի, այնուհետև, դուրս գալով երթևեկելի գոտուց, բախվել է նշված վայրում կայանված «Օպել Աստրա» մակնիշի ավտոմեքենային:
«Մերսեդես Բենց Ե230»-ի վարորդը, ուղևորը և «Օպել Աստրա»-ի վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: