Մալաթիայի ոստիկաններն ապօրինի հրազեն ու կանեփի բույսեր են հայտնաբերել

Հուլիսի 14-ին ոստիկանության Մալաթիայի բաժնի քրեական հետախույզները, զենք և զինամթերք պահելու կասկածանքով, Շահումյանի 6-րդ փողոցի մի տնից բերման են ենթարկել 38-ամյա տանտիրոջը: Բացատրական աշխատանքի արդյունքում տղամարդը ննջասենյակից ներկայացրել է հրացան:
Նյութերի նախապատրաստման ընթացքում տան բակից հայտնաբերվել է նաև կանեփանման յոթ բույս:
Նշանակվել են դատաձգաբանական և դատաքիմիական փորձաքննություններ: Հանգամանքները պարզվում են։