Մասիսի ոստիկանները հետախուզվողին հայտնաբերեցին Երևանում
![Մասիսի ոստիկանները հետախուզվողին հայտնաբերեցին Երևանում Մասիսի ոստիկանները հետախուզվողին հայտնաբերեցին Երևանում](/timthumb?src=/resources/police/img/news/big/1656763423-2.jpeg&q=75&w=780&wm=1)
Ոստիկանության Մասիսի բաժնի ծառայողների ձեռնարկած միջոցառումների շնորհիվ հուլիսի 1-ին Երևան քաղաքի Գարեգին Նժդեհի հրապարակում հայտնաբերվել և բաժին բերման է ենթարկվել 32-ամյա Ալբերտ Մ.-ն, որը հունիսի 29-ից ոստիկանության Նոր Նորքի բաժնի կողմից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Ալբերտ Մ.-ն ներկայացվել է ոստիկանության Նոր Նորքի բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: