Մասնագիտական պարապմունք ոստիկանությունում (ՏԵՍԱՆՅՈՒԹ)

Հոկտեմբերի 8-ին ոստիկանությունում տեղի ունեցավ հերթական մասնագիտական պարապմունքը, որը վարում էր ոստիկանության շտաբի պետ, ոստիկանության գեներալ-մայոր Արամ Զաքարյանը:
Մասնակցում էին ոստիկանության մարզային վարչությունների շտաբի պետերը, ենթակա տարածքային բաժինների հետաքննության բաժանմունքների պետերը և հետաքննության գծով տեսուչները:
Մասնագիտական պարապմունքի ընթացքում քննարկվեցին «ՀՀ քրեական դատավարության օրենսգրքի հոդվածների քննարկում և մեկնաբանում» և այլ հարցեր:
Գործնական պարապմունքի ընթացքում ներկայացվեցին օրակարգում ընդգրկված հարցերն ու դրանց ուղղությամբ կատարված աշխատանքները, մատնանշվեցին նաև ձեռքբերումներն ու թերացումները:
Առաջադրված խնդիրների քննարկումից հետո ցուցումներ տրվեցին աշխատանքի արդյունավետությունը բարձրացնելու ուղղությամբ: