Մասնագիտական պարապմունք ոստիկանությունում (ՏԵՍԱՆՅՈՒԹ)

Մարտի 14-ին ոստիկանությունում տեղի ունեցավ հերթական մասնագիտական պարապմունքը, որը վարում էր ոստիկանության պետի տեղակալ Սամվել Հովհաննիսյանը։ Մասնակցում էին ոստիկանության հասարակական կարգի ապահովման վարչության պետ Արսեն Գալստյանը եւ տարածքային բաժինների պետերը։
Օրակարգի առաջին հարցը վերաբերում էր համայնքային ոստիկանության գործունեությանը։
Ներկայացվեցին համայնքային ոստիկանության գործունեության իրավական հիմքը, նպատակները, կազմակերպչական հիմունքները, ինչպես եւ հանցագործություններն ու վարչական իրավախախտումները նախականխելիս համայնքային ոստիկանների գործառույթները։
Քննարկման ներկայացված հաջորդ հարցը վերաբերում էր մասնավոր հետապնդման գործերով վարույթի սկսման հիմքերի մասով՝ վճռաբեկ դատարանի նախադեպային որոշմանը։
Մասնագիտական պարապմունքի ավարտին ոստիկանության տարածքային բաժինների պետերին տրվեցին ցուցումներ ու հանձարարականներ։