Երկաթյա ձողով մարմնական վնասվածքներ պատճառած երիտասարդը ձերբակալվել է

Հոկտեմբերի 6-ին հիվանդանոցից հաղորդում է ստացվել, որ ծակած-կտրած, թափանցող վերքերով բուժօգնության է տեղափոխվել մայրաքաղաքի բնակիչ 30-ամյա երիտասարդ: Ըստ բժշկի տեղեկանքի՝ նա ի վիճակի չէ բացատրություն տալու:
Ոստիկանության Էրեբունու բաժնի քրեական հետախույզների և Էրեբունու վետերանների համատեղ ձեռնարկած միջոցառումների շնորհիվ պարզվել է, որ ժամը 19.20-ի սահմաններում Նոր Արեշի 22-րդ փողոցում տեղի ունեցած վիճաբանության ժամանակ 30-ամյա երիտասարդը փայտե մահակով հարվածել է նույն փողոցի բնակիչ 26-ամյա երիտասարդին, նա էլ երկաթյա ձողով պատասխան հարվածներ է հասցրել՝ պատճառելով մարմնական վնասվածքներ:
26-ամյա երիտասարդը ձերբակալվել և բերվել է ոստիկանության Էրեբունու բաժին: Անձնական խուզարկությամբ նրա մոտ հայտնաբերվել է հանցագործության գործիք երկաթյա ձողը:
Երիտասարդը, նախապատրաստված նյութերի հետ, ներկայացվել է նախաքննական մարմին, որտեղ տվել է խոստովանական ցուցմունք և ձերբակալվել է:
Կատարվում է նախաքննություն: