Մարտունիի ոստիկաններն ապօրինի թմրաշրջանառության դեպք են բացահայտել
14.03.2023 17:55
Թմրամիջոցի հայտնաբերում
![Մարտունիի ոստիկաններն ապօրինի թմրաշրջանառության դեպք են բացահայտել Մարտունիի ոստիկաններն ապօրինի թմրաշրջանառության դեպք են բացահայտել](/timthumb?src=/resources/police/img/news/big/1678802240-0973.jpeg&q=75&w=780&wm=1)
Ոստիկանության Մարտունու բաժնի քրեական հետախույզները տեղեկություններ էին ստացել, որ Ծովակ գյուղի 27-ամյա մի բնակիչ թմրանյութ է պահում և օգտագործում: Մարտի 11-ին, իրացնելով տեղեկությունները, իրավապահները նրան ձերբակալեցին ու տեղափոխեցին բաժին: Խուզարկությամբ նրա մոտ հայտնաբերվեց անձեռոցիկի մեջ փաթեթավորված մոտ 6 գրամ մարիխուանայի նմանվող զանգված:
Երիտասարդը և կազմված փաստաթղթերը ներկայացվել են Մարտունու քննչական բաժին: Հանգամանքները նախաքննությամբ պարզվում են:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: