Մեղադրանքը՝ խոշոր չափի թմրամիջոցի ապօրինի շրջանառություն

Սեպտեմբերի 8-ին, ժամը 8.05-ին, Քրեական ոստիկանության գլխավոր վարչության և Ավանի բաժանմունքի ծառայողների համատեղ օպերատիվ-հետախուզական միջոցառումների շնորհիվ մայրաքաղաքի Աճառյան փողոցում ձերբակալվել և Նոր Նորքի բաժին է ներկայացվել Ղազախստանի քաղաքացի, 24-ամյա մի երիտասարդ։ Օգոստոսի 15-ից Ղազախստանի իրավապահների կողմից նա հետախուզվում էր առանձնապես խոշոր չափի թմրամիջոցի ապօրինի շրջանառության մեղադրանքով, խափանման միջոցը՝ կալանք:
Երիտասարդը տեղափոխվել է ձերբակալվածների պահման վայր: