Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
Սպանություն
Մեղայականով ներկայացել է ոստիկանություն. տուժողը մահացել է /ԼՐԱՑՎԱԾ/

Մեղայականով ներկայացել է ոստիկանություն. տուժողը մահացել է /ԼՐԱՑՎԱԾ/

31.07.2013 10:56 Սպանություն

Հուլիսի 30-ին, ժամը 12.10-ին, հիվանդանոցից ոստիկանության Հրազդանի բաժնում հաղորդում է ստացվել, որ ոտքի վնասվածքներով բուժօգնության է տեղափոխվել 1979 թ. ծնված Նվեր Աբելյանը:

Նույն օրը, ժամը 12.45-ին, Ն. Աբելյանի մայրը հաղորդում է տվել, որ Հրազդան քաղաքի Միկրոշրջան թաղամասի 4-րդ փողոցի և 4-րդ փողոցի 3-րդ նրբանցքի խաչմերուկում որդու նախկին կնոջ եղբայրը` 1985 թ. ծնված Աշոտ Խ.-ն, «Մերսեդես» մակնիշի ավտոմեքենայով հարվածել է որդուն և պատճառել մարմնական վնասվածքներ ու դեպքի վայրից դիմել փախուստի:

Ոստիկանության ծառայողների բացատրական աշխատանքների շնորհիվ Աշոտ Խ.-ն նույն օրը, ժամը 12.35-ին, մեղայականով ներկայացել է ոստիկանություն:

Նույն օրը, ժամը 23.35-ին, հիվանդանոցից ոստիկանությունում ահազանգ է ստացվել, որ Նվեր Աբելյանը մահացել է:

Կոտայքի մարզային քննչական բաժնում ՀՀ քրեական օրենսգրքի 104 հոդվածի 1-ին մասի հատկանիշներով հարուցվել է քրեական գործ:

Աշոտ Խ.-ն ձերբակալված է:

Կատարվում է նախաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Մեղայականով ներկայացել է ոստիկանություն. տուժողը մահացել է /ԼՐԱՑՎԱԾ/

ՀԻՄՆԱԿԱՆ